ادونيس
ما نحسـب مـحــال ذ الــوردة تـذبــــل *** وما نحسبش اعـرافها تيبس و اتشيح
و ما نحسب دمعــات عن خـدي تنزل *** و ما نحسب قلبـي اليـوم ايعـود اجريح
و ما نحسبش أيـــام عـمــري تتـبــدل *** كــي كانـت ليــام وقـتــي كــان املـيـح
و ما نحسب من كـان عـنـي ما يبخـل *** اتغـيـر هـاذ اليـوم عـني عــاد اشحي
علي قوادري
اللي مايقرى للدهر اعقوبة يهبل=يتقندف يولي في دنيتو ماهو امليح
يقدى مايسواش ابرادة ويتبهدل=واللي حابو ربي دلوا للطريق الصحيح
يصلي ويستغفر ويقرى الكتاب المنزل=ماينساش يقوم الليا بالتسبيح
الدنيا خداعة والموت راه يستخل=ماتجيب اخبر اتولي ساكن اضريح
ننصحك يامخلوق ارتب واتعقل=خليك مولى عقل ولا اتجيح
ادونيس بدى القوا واعلي كمل=والصلاة على نبينا مافينا اقبيح
جبت القول واعل خالي نتوكل=العظيم الرزاق المتجبر السميح
ادونيس
حتـى اربيـعـي عـــاد جــوو متهــول *** شبه اخريــف و ما ايبيّــت فيه الريـح
و زهــرة قلبـي كانـت اجميلة تذهل *** ميــادة و اغـصـانهــا من بُعــد اتميـل
و الطيـف اللي كـان منـي ما يجـفــل *** شفـت اخيـالـو بانلي ذ اليـوم اقبيـح
بعـد ان كنـت اقبـيـل عـنـو متحلحـل *** و دمعـي طـول الليل عنو كان ايسيح
علي قوادري
واعلاش ياخويا ادونيس تتعجب=الباطل ركبنا والحق راه يصيح
ولى الزين في وقتنا يغضب=والشين قافز وخيالو امليح
مابقالك اعلاه ياخويا تتعب=هذا وقت حاجة ماهي صحيح
الحرام ولى مودا هو اللي يعجب=والحلال كي الطلع اللي داه الريح
خليك لاتتحير ولا تسال عاتكلب=واتولي تايه واحد ما يقول ياويح
ندعوا ربي يسترنا كي يغضب=ونطلبوا يرحمنا في الصلاة والتسبيح
أدونيس أدونيس
نحكيلك ياصاحبي ماني نكذب ** ونعطيلك هذ المعاني بالتلميح
انايا في حالتي ماني راتب ** ومن قلبي مهموم نعت الطير ذبيح
هلكتني ذيك العيون الي تسلب ** ماقاومتش راه قلبي عاد اجريح
لونحكيلك راك تبقى متعجب ** وتقلي ياشيح قولك راه اصحيح
علي قوادري
مصدقك وحكيك زين ومرتب=مليان حكمة ونظيف من التجريح
وانتايا شاعر معروف ومتادب=وفي كلامك اتبان فارس فصيح
تركب المعنى نعت الفارس المدرب=قهقهار ميزانك عمرو ما يطيح
وقت الصح واقف ماتهرب=وعند الشدة مبهوز ماتستريح
أدونيس
خليني بالله عنك ياصاحب ** وحسن عوني لاتزيدش لي تجريح
انا قلبي راه حاير فيه الطب ** عانف شانق راه ماراد اتشلويح
هذ الزين الي سكنلي وسط القلب** ماضني محال منو نستريح
علي قوادري
المكتوب يا ادونيس مامنو مهرب=ماظنيتش شاعر مثلك يولي قريح
الدنيا بمواجها يا صحيبي قاتتقلب=واحليل من يامنها ويقضيها اشطيح
الدنيا نعت اسحاب يجي ويذهب=نعت الربيع تهدينا روايح الشيح
ماتهرف كيفاش ارويحها عندك اتهب=تصبح وحيد سكان في اضريح
أدونيس أدونيس
لـو نحكيلك حالتي مــا تتعجب **ناري شعلت زادها ريح اتشلويح
حدثنـي بحديث مقدود مصاوب **وقلي ياشيخ لازم تستريح
ياصديق اليوم في عدلك نطلب **ارفق بيا كون لي صادق وانصيح
نصحوني في حبها قالوا صا عب **وقالولي بالاك من لوعار اتطيح
لاتغبنني جيت لجناحك هارب **واحسن عوني لاتهوضلي ذالريح
Ali Kouadri
الضيف في عرفنا به يانرحب=ومانسقسيه وش ضرو حتان يستريح
وانت صاحب معروف وش تكتب=ومن شعرك راني نقرف سبيح
مجرب محال البحر اعليك يصعب=وش انقلك اذا جاورتك انصيح
ايقولوا كاين في الواد الصغير لعجب=بالصح الشيخ شيخ مافيها تبريح
واللي ماعندو كبير راه يلعب...=واللي ماعندو علامن يركز يطيح
أدونيس أدونيس
ياراجل دهر المحاين يتقلب ** ويتبدللك في الهوى من ريح لريح
ياراجل محنات في قلبي تسلب **وعينيا من ذ الدموع تبات اتسيح
ياراجل الاهوال عني تتسـرسب **نطلب ربي باه يجعا لي تسريح
Ali Kouadri
مقواني انبات انعد وانحسب=ماذا من امحاين عدات في ارديح
ماذا من امة نذكر ولا نقتب=ماذا من قليب وصفتوا اجريح
وماذا من مرسم كنت زاهي فيه نلعب=بنو آدم مهما طول لابد يطيح
والعبرة في الخواتم قبل ما تذهب=واذا ضاقت عليك هذا البر فسيح
ارحل وسافر تتعلم وتتهذب=الدنيا فيها الشين وفيها المليح
See More
ما نحسـب مـحــال ذ الــوردة تـذبــــل *** وما نحسبش اعـرافها تيبس و اتشيح
و ما نحسب دمعــات عن خـدي تنزل *** و ما نحسب قلبـي اليـوم ايعـود اجريح
و ما نحسبش أيـــام عـمــري تتـبــدل *** كــي كانـت ليــام وقـتــي كــان املـيـح
و ما نحسب من كـان عـنـي ما يبخـل *** اتغـيـر هـاذ اليـوم عـني عــاد اشحي
علي قوادري
اللي مايقرى للدهر اعقوبة يهبل=يتقندف يولي في دنيتو ماهو امليح
يقدى مايسواش ابرادة ويتبهدل=واللي حابو ربي دلوا للطريق الصحيح
يصلي ويستغفر ويقرى الكتاب المنزل=ماينساش يقوم الليا بالتسبيح
الدنيا خداعة والموت راه يستخل=ماتجيب اخبر اتولي ساكن اضريح
ننصحك يامخلوق ارتب واتعقل=خليك مولى عقل ولا اتجيح
ادونيس بدى القوا واعلي كمل=والصلاة على نبينا مافينا اقبيح
جبت القول واعل خالي نتوكل=العظيم الرزاق المتجبر السميح
ادونيس
حتـى اربيـعـي عـــاد جــوو متهــول *** شبه اخريــف و ما ايبيّــت فيه الريـح
و زهــرة قلبـي كانـت اجميلة تذهل *** ميــادة و اغـصـانهــا من بُعــد اتميـل
و الطيـف اللي كـان منـي ما يجـفــل *** شفـت اخيـالـو بانلي ذ اليـوم اقبيـح
بعـد ان كنـت اقبـيـل عـنـو متحلحـل *** و دمعـي طـول الليل عنو كان ايسيح
علي قوادري
واعلاش ياخويا ادونيس تتعجب=الباطل ركبنا والحق راه يصيح
ولى الزين في وقتنا يغضب=والشين قافز وخيالو امليح
مابقالك اعلاه ياخويا تتعب=هذا وقت حاجة ماهي صحيح
الحرام ولى مودا هو اللي يعجب=والحلال كي الطلع اللي داه الريح
خليك لاتتحير ولا تسال عاتكلب=واتولي تايه واحد ما يقول ياويح
ندعوا ربي يسترنا كي يغضب=ونطلبوا يرحمنا في الصلاة والتسبيح
أدونيس أدونيس
نحكيلك ياصاحبي ماني نكذب ** ونعطيلك هذ المعاني بالتلميح
انايا في حالتي ماني راتب ** ومن قلبي مهموم نعت الطير ذبيح
هلكتني ذيك العيون الي تسلب ** ماقاومتش راه قلبي عاد اجريح
لونحكيلك راك تبقى متعجب ** وتقلي ياشيح قولك راه اصحيح
علي قوادري
مصدقك وحكيك زين ومرتب=مليان حكمة ونظيف من التجريح
وانتايا شاعر معروف ومتادب=وفي كلامك اتبان فارس فصيح
تركب المعنى نعت الفارس المدرب=قهقهار ميزانك عمرو ما يطيح
وقت الصح واقف ماتهرب=وعند الشدة مبهوز ماتستريح
أدونيس
خليني بالله عنك ياصاحب ** وحسن عوني لاتزيدش لي تجريح
انا قلبي راه حاير فيه الطب ** عانف شانق راه ماراد اتشلويح
هذ الزين الي سكنلي وسط القلب** ماضني محال منو نستريح
علي قوادري
المكتوب يا ادونيس مامنو مهرب=ماظنيتش شاعر مثلك يولي قريح
الدنيا بمواجها يا صحيبي قاتتقلب=واحليل من يامنها ويقضيها اشطيح
الدنيا نعت اسحاب يجي ويذهب=نعت الربيع تهدينا روايح الشيح
ماتهرف كيفاش ارويحها عندك اتهب=تصبح وحيد سكان في اضريح
أدونيس أدونيس
لـو نحكيلك حالتي مــا تتعجب **ناري شعلت زادها ريح اتشلويح
حدثنـي بحديث مقدود مصاوب **وقلي ياشيخ لازم تستريح
ياصديق اليوم في عدلك نطلب **ارفق بيا كون لي صادق وانصيح
نصحوني في حبها قالوا صا عب **وقالولي بالاك من لوعار اتطيح
لاتغبنني جيت لجناحك هارب **واحسن عوني لاتهوضلي ذالريح
Ali Kouadri
الضيف في عرفنا به يانرحب=ومانسقسيه وش ضرو حتان يستريح
وانت صاحب معروف وش تكتب=ومن شعرك راني نقرف سبيح
مجرب محال البحر اعليك يصعب=وش انقلك اذا جاورتك انصيح
ايقولوا كاين في الواد الصغير لعجب=بالصح الشيخ شيخ مافيها تبريح
واللي ماعندو كبير راه يلعب...=واللي ماعندو علامن يركز يطيح
أدونيس أدونيس
ياراجل دهر المحاين يتقلب ** ويتبدللك في الهوى من ريح لريح
ياراجل محنات في قلبي تسلب **وعينيا من ذ الدموع تبات اتسيح
ياراجل الاهوال عني تتسـرسب **نطلب ربي باه يجعا لي تسريح
Ali Kouadri
مقواني انبات انعد وانحسب=ماذا من امحاين عدات في ارديح
ماذا من امة نذكر ولا نقتب=ماذا من قليب وصفتوا اجريح
وماذا من مرسم كنت زاهي فيه نلعب=بنو آدم مهما طول لابد يطيح
والعبرة في الخواتم قبل ما تذهب=واذا ضاقت عليك هذا البر فسيح
ارحل وسافر تتعلم وتتهذب=الدنيا فيها الشين وفيها المليح
See More
ليست هناك تعليقات:
إرسال تعليق